Manusia topeng modern ko salah pikir tentang manusia asli Alam Papua

Share on facebook
Share on whatsapp
Share on twitter
Share on linkedin
Share on email

Ko pikir sa manusia primitif

Ko pikir sa manusia jaman batu

Ko pikir sa manusia  hutan

Ko pikir sa manusia  telanjang

Ko pikir sa manusia bodoh

Ko pikir sa perlu ko pu project pembangunan

Ko pikir sa butuh ko pu teknologi

Ko pikir sa butuh ko pu pendidikan palsu

Ko pikir ko bisa racun sa dengan ko pu produk modern

Ko pikir ko bisa tipu sa dengan ko pu project kemajuan

Ko pikir ko bisa bikin sa benci dan bunuh sa pu keluarga sendiri

Ko pikir ko bisa bikin sa takut dengan ko pu senjata buatan manusia

Ko pikir ko bisa curi semua yang ada di Bumi yang kudus ini untuk membangun ko pu hidup

Ko pikir ko yang manusia hebat

Ko pikir ko yang menang

ASAL KO HARUS TAU BAWAH

Sa ini bukan muncul kemarin karena Inggris, Belanda, America, Indonesia muncul di Bumi ini,

Sa ini keturunan manusia pioneer pertama Alam di Bumi ini

Sa mengampuni ko tapi ko pikir sa orang bodoh dan gampang

Sa ini solusi untuk masalah yang ko ciptakan di Bumi ini tapi ko pikir sa yang bermasalah

Sa terima ko dengan sa pu kuhum “kasih” tapi ko pikir sa manusia lemah

Sa berdoa ko tapi ko pikir sa tidak punya suara, manusia mono

Sa memiliki nilai demokrasi dan toleransi yang asli dan tinggi tapi ko mo rubah sa menjadi manusia jahat seperti ko setiap saat hingga saat ini, sekarang

INGAT! SUATU SAAT, ALAM BUMI INI AKAN MAKAN KO

By: Yamin Kogoya

You may also like to read..

4 thoughts on “Manusia topeng modern ko salah pikir tentang manusia asli Alam Papua”

  1. Ade Mambri, wa wa wa, You are a child of the Original Black Pearl Queen on this planet. Never forget that. They are not hunting us down because we are weak, but because they (mafia) scared of us – the original Alam civilization.

    Reply

Leave a comment

Translate »